15 49.0138 8.38624 1 0 4000 1 https://wyrta.com 300 0
Advertisement ad1

Lai chimbynta ka Sanwaka Surong haka Miss Teen India

0 Comments

Jowai: Ka Sanwaka Surong kawa yoh yei kyrdan wa ar haka Miss Meghalaya 2019 da mih ko wow lai cha Jaipur haka 23 tarik uni u bnai yow ya chimbynta haka yakob miat kynthai wa tip kam ka Miss Teen India kawa pynman da ka Glamanand Entertainment Ltd, heiwa kawa jop yaka Miss Teen India daw mihkhmat ko yaka ri India cha ka Miss Teen International wa Miss Teen World.

Kani ka yakob da sdang ko nadooh ka 25 tarik uni u bnai ha Jai Bagh Palace, Jaipur heiwa 30 ngut na kylleiñ ka ri India da wan ki wow chimbynta. Ka Sanwaka Surong ha u Thohlakhmi (Feb) uni u snem da yoh ko wow psiah cha kani ka yakob deiwa jop wa ar ko haka Miss Meghalaya 2019 wa pynman da ka Meghalaya Tourism Youth Development Society.

Ka Sanwaka Surong da yoh ko yei sikai wow chimbynta ha kani ka yakob da u Amjad Khan Pathan – Regional Director Northeast neibynta ka Miss International, Miss Multinational wa Miss Teen International.

Da pdiang ya kiwa chimbynta ha Jaipur da u Chairman ka Glamananad u Nikhil Ananad deilang waka Miss Teen India Universe ka Vridhi Jain waka Miss Multinational ka Simran Sharma.

Hadooh ynne ka sngi da dep u pynman yaka, Talent Round, Sports, Beauty with Brains, ka yutip chaphang ka rymaw, ki Photo Shoot wa kiwi kiwi de wei da man ko leh kam chibynta wow sdang yaka bichaar ya kiwa chimbynta chwa wow poi cha ka sngi khaddooh ka wow pynman mynstep ka 30 tarik.

0 Comments

Leave a Reply