Shillong: Hadooh ynne ka sngi kawa man ka sngi khaddooh wow thap pyrtuid, em 6 ngut ki kyrtong kiwa da wan thap pyrtuid ha u Returning Officer ka 26-Shella, u L. Kynjing ha Sohra, wow yakhun ya ka Election chiteiñ samoi na Shella, ka wow man ha ka 21 Naichiphaw.
Kiwa thap pyrtuid kynthup ki ya u Balajiedkupar Synrem na UDP, u Batyngshain Laitmon Ryngnga na Congress, u Joshua Warjri na BJP, u Mosjo Rockfeller Wanswett na ka PDF, u Komen Laitmon wa ka Grace Mary Kharpuri kam ki kyrtong samen.
U Balajiedkupar wa u Komen da dep thap pyrtuid ki ha kini ki sngi katwa soo ngut kiwi tawon dang ynne wan thap ki.
Mynstep daw bichaar bniah ya ki kot ki ki sla ki 6 ngut ki kyrtong wei i ñiaw ya ka Vote u man i ha ka 24 tarik.
Ka Election chiteiñ samoi ha Shella toh hadien wa da khlaad syndet noh u Dr. Donkupar Roy uwa jop na ka UDP ha ki bnai wa da dep.
Discussion about this post