Shillong: Ka kyrtong samen neibynta ka Election chiteiñ samoi na Shella, ka Grace Mary Kharpuri da pynsñiaw ko yei kyrmen wa ki paidbah ka Shella ha kani ka kynti, u e laad ki ya ka wow man kam ka MLA.
Ka Grace kawa man leh ka MDC na Nongshken da thap pyrtuid ko ynne ka sngi ha u SDO (Civil), u L. Kynjing ha Sohra kam ka kyrtong samen hapyrdi i wan synraan kiwa kyrchaan yong ka wa u kurim ko, u Donkupar Massar uwa man leh u MLA warim.
Ka Grace da mih noh ko na ka Congress hadien wa ka Party da e ko ya ka Ticket cha u Batyngshain Laitmon Ryngnga ha kani ka yakhun.
Hawa klam wa kiwa pathai khubor, da kam ko wa i pyndooh Ticket ka Congress, ym ktah i ya ka tangwa man i kyrkhu neibhah wa da em ki heh ka Congress kiwa wan kyrchaan ya ka.
Da pynsñiaw ko leh yei sñiaw skem wow jop ha kani ka Election neibhah wa man ko kam ka MDC kawa da mihkhmat la le sien ya ka Nongshken heiwa da yoo ko wa ka Shella emkaam ko yei kylla, khamtam u sarok uwa da sih bha.
Da ong ko wa nadooh u 2013 wa yakhun ko na Shella, da yoo ko wa ki surok ym em kylla ki iwa da booh hei eh ya ki paidbah ha i roi i paar wei da ong ko wa lada jop ko daw yakreh ko wa ka sorkar wa katni.
Discussion about this post