Delhi: Hadooh kamwa 500 ngut ki damok kieñ suloi (Terrorist) dang chah hikai ki ha ki Camp waphær waphær ha tymbud u Line of Control (LOC) ha Pak-Occupied Kashmir, kiwa pyrchang wow psiah chapoh Jammu and Kashmir, da ong uwi u khlieh chipai ka Northern Command u Lt. Gen. Ranbir Singh ynne ka sngi.
Da pynrap u leh wa kamwa 200–300 ngut toh kiwa da thmu wow pynthut yei chongsuk ha Jammu and Kashmir dei kyrchaan ka Pakistan deiwa ong wa kini ki damok ye ki u psiah chapoh India ha iwon iwon i por.
Da ong u leh ini i boon kiwa chah hiki phær i neipor cheipor tangwa la man katwa man ki chipai Indian Army u leh ki yeiwa emkaam wow pyntikna wa em i chongsuk ha ka thaaiñ.
Heijooh i por da ong u wa ka Pakistan pteiñ ko wow yarap wei wow kyrchaan ya ki seiñ kieñ suloi liang wanang neibhah i ekti ya ki Drone ha ki seiñ kieñ suloi man i iwi na kitæ kamwa da yoo ha Punjab heiwa da phah ya ki tiar siat da ki Drone na Pakistan.
Da pynkut u deiwa ong wa ka Indian Army ye ko wow pynsepai ya ini i thrang wei angnood ka Pakistan wow pynthut yei chongsuk hapoh ka ri.
Discussion about this post