15 49.0138 8.38624 1 0 4000 1 https://wyrta.com 300 0

Wa jan ka Narpuh Sanctuary, pyrchah ka JSU ya ka paar moochuni ka Star Cement ha Brishynrot

0 Comments
Advertisement ad1

Jowai: Ka Jaiñtia Students’ Union ha ka dorkhat wa da ekti ha u District Commissioner ka East Jaiñtia Hills District da pyrchah joor ko ya i paan Environmental Clearance (EC) neibynta ka Brishynrot Limestone Mine-I kawa heh kamwa 42.051 wa da paan da ka Star Cement Limited kawa haap hapoh u pood u ang ka chnong Brishynrot, EJH.

Kani ka paar moo ha Brishynrot jngai ko du kamwa 1.46 km na Narpuh Wildlife Sanctuary wei kani ka kaam tih moo em ko du 0.25 km na ka Eco Sensitive Zone (ESZ) yong ka Narpuh Wild Life Sanctuary.

U President ka seiñ, u Lawyersn War da ong u wa ka Narpuh Wildlife Sanctuary toh du ka donhi ka khloo wa rben tam ha waroh ar tylli ki district ka Ri-loom Jaiñtia (East & West Jaiñtia Hills District) wei ha ka thaaiñ mihsngi ka jylla Meghalaya. Kani ka Sanctuary toh kawa sah da kiwa boonjait ki mrad kiwa haap hapoh ka thup ka Schedule I Species wei ilong i man ka suiñ bneiñ kamjooh i rben ki khloo pynman i ya ka thaw wow man kawa mahajon ha ki mrad wa im ha ka.

Ka JSU da pynrap ko wa em ka Wah Umso Nallah kawa tooid cha ka Wah Lukha ha kani ka thaw.

Chooh chooh ka JSU da e yumut ko wa heithaw wow tih moo ha kani ka thaw dang lah wow pynku ya ka kaam uiñke suwari wow pynneh ya ka Narpuh Wildlife Sanctuary.

Ka JSU da pynkynmoo ko leh wa i pynkrehkaam ya ka NRC ha Assam wei i em ki karkhana daw wanrah ko yei tooid wei wan chongchnong ki baar ri hapoh ka thaaiñ iwow pynthut yei chnongsuk ki tre chnong.

Neiliang ka JSU da dawa ko na ka sorkar wow dam u ebor wow pynheh ya kani ka paar wei lada ye toh wow pyndooh noh yei ebor neibhah wa boonsien hi kini ki Company wa na baar ym bood ki ya ki aiñ khamtam ki wow yada ya ka rymaw.

Ka JSU da kdaw ko leh wa ka Ri-loom Jaiñtia ymtoh de wow elaad wow wan tooh ya ka spah yong ka da ki bru wa na baar deiwow pynjæd ya ka rymaw iwa hadien won pynchitom i ya ki tre chnong.

Advertisement ad1

0 Comments

Leave a Reply