Shillong: Chibynta wow pynlai yaw ya ki mar wei chakri ki Micro, Small & Medium Enterprises (MSME) na ka thaaiñ mihsngi, u lat ka jylla, u Tathagata Roy ynne da wai u ya ka 11th East Himalayan Trade Fair (EHTF) 2019 ha SRGT Parking Area, Polo Ground, Shillong.
U Roy da ong u wa kani ka yaw man ko kawa emkaam bha wow pynku ya ka kaam khayi pateiñ ha ka thaaiñ neibhah wa man ko kam chibynta yong ka Act East Policy yong ka sorkar pyrdi.
Ka East Himalayan Trade Fair ha uni u snem da man ko hajrong ka phang “MSME-An Engine for NER Growth” wei da pynman ya ka da ka India Trade Promotion Organisation (ITPO), yong ka sorkar pyrdi chirup wa ka Commerce and Industries Department, Government of Meghalaya wei da kyrchaan ya ka da ka Ministry of Micro Small and Medium Enterprises (MSME), Ministry of Justice, Ministry of AYUSH, Government of Assam.
Ha waroh da wan chimbynta da ki 77 tylli ki MSME na kylleiñ ka thaaiñ mihsngi kiwa da pynyoo rong ya ki mar yong ki nadooh ki baam, ki tiar yung, ki sula, ki that, wa kiwi kiwi.
Kani ka East Himalayan Trade Fair u pteiñ ko hadooh ka 22 tarik uni u bnai wei u wai ko ya ki paidbah nadooh 11:00 i sngi hadooh 7:00 i miet.
Discussion about this post