Jowai: ka Jaiñtia Body Building And Fitness Association (JBB&FA), lyngba ka wyrta na u President ka seiñ u Yoosar Kynjin da kitbok ko ya ki 8 ngut ki wow mihkhmat ya ka jylla ha ka lympung pynyoo dohksah, kawa tip kam ka NABBA/WFF Mr. & Ms. India 2019.
Kani ka lympung toh ka wow man ha ka 19 wa 20 tarik uni u bnai ha Kochi, Kerala.
Kini ki 8 ngut kynthup ki ya kiwa pynyoo dohksah ki wow yakhun ya ka kyrdan Bodybuilding & Physique wa kynthup ya u Raymond R. Nongkhlaw, Donbor Rumnong, Rajib Deka, Pyndapbor Dkhar, Prosonto Basumatary kiwa na Body Zoo Gym wa u Sengman R. Marak na ka Muscle Excess Gym, katwa ka Esther Z. Tariang u yakhun ko ha ka kyrdan Bikini katwa ka Bicky F. Kharngapkynta won u yakhun ko ha ka kyrdan Mom’s Fitness wei kini ki ar ngut ki kynthai leh toh kiwa na ka Body Zoo Gym.
Ka JBB&FA da kitbok kitrwiang ko ya kini ki phra ngut wow ye ki wow wanrah naam wei burom ya ka jylla ha kani ka lympung ka wow ye wow wanrah yei tipmit ya ka jylla ha ka ri hajrong kani ka jait yalehke.
Discussion about this post