Jowai: Ka Khasi Jaintia Presbyterian Synod Mihngi (KJPSM) chirup wa ka Social and Economic Life Development (SELD) yong ka Synod Mihngi da wai ko yei yung thymme i thaw sumaar ya kitu kiwa da ngop hei dih wa boonjait kam ka kiad, i drug wa kiwi, iwa da e pyrtuid ka Break Through Centre (Rehabilitation Centre), ha Khliehtyrshi ynne ka sngi.
Chwa wow wai ya kani ka yung thymme da em leh i yalang wa tbian hei yah khmat u Rev. N.B. Diengdoh uwa man leh kam u Chairman, SELD yong ka Synod Mihngi.
Da yoh leh ya i klam wa tbian hajrong i lut i sep hawa chna ya kani yung thymme da u Rev. O. Liting I/C KJP SELD Synod Mihngi, hei klam yong oo da khana wa hadooh katni um pu em u yoh i yarap neiliang kawon kawon ka seiñ næ ka sorkar yow pyndep u chna ya kani ka Centre.
U Chief Guest ha kani ka sngi toh u Rev. B.B. Lamin, u wa man leh u Moderator yong ka K.J.P Synod Mihngi. Hei klam yong oo chwa wow ah ribbon ya kani ka yung thymme da yaroh u ya ka SELD ka Synod Mihngi wa da ye ko u chna yei yung yong ka hi hadien 10 snem wa seiñ ya kani ka Centre nadooh u snem 2008.
Da pynkut ya kani ka yalang da ki ktien e khublei na u Chairman ka SELD yong ka KJP Synod Mihngi.
Discussion about this post