Shillong: U Balajiedkupar Synrem ynne ka sngi da baam smai u kam u MLA ka UDP na Shella Constituency hadien wa jop u ha ka Election chiteiñ samoi kawa da pynbna ynnin ka sngi.
Ya u Balajiedkupar da pynbaam smai da u Lamphang ka yung dorbar chna aiñ ka jylla u Metbah Lyngdoh ha kamra krehkaam yong oo ha Khyndai Lad, Shillong. Ha kani ka baam smai, da synraan lang da u montri rangbah ka jylla u Conrad K Sangma, ki montri sorkar, ki MLA na ka liang synchaar wa neiliang pyrchah, kiwa hayung u, ka bei u wa kiwa kyrchaan ya oo.
U MLA thymme ka UDP da ong u wa daw booddien u ya ki kaam wa sahteiñ wa u pa yong oo wa ym yoh u wow pyndep neibynta ka Shella Constituency.
Da ong u wa kini ki kaam man ki nadooh ki sarok kiwa em ha ka thaaiñ Shella, ki kaam pynroi kiwa dang sahteiñ, daw booddien khnang yow ye u pyndep ki ha i por wa biang neibynta i myntoi ki paidbah ka Shella.
Discussion about this post