15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

I jop u Balajiedkupar pynyoo wa ym emkaam poisa ki paidbah, ong u Metbah

0 Comments

Shillong: U President ka UDP u Metbah Lyngdoh da pynuiñ nia kylla u ya i pynbaad uwa yahkhmat ka PDF u Banteidor Lyngdoh, deiwa ong wa i jop ka UDP toh neidaw wa ki paidbah ym em emkaam poisa ki.

Ynnin ka sngi, uwa yahkhmat ka PDF u Banteidor da kam u ha ki laad pathai khubor wa i rem u kyrtong ka PDF ha kani ka Election chiteiñ samoi, toh neidaw wa joor i pynemkaam da i bor poisa wow thied Vote.

Advertisement ad1

Hawa kylli ynne ka sngi hajrong ini i klam, u Metbah da ong u wa ym kwah u wow ong boon ktien hajrong ini tangwa iwi wa kwah u wow ong wa i jop u kyrtong ka UDP ha kani ka kynti, pynyoo ko wa ki paidbah ym emkaam poisa ki.

Da ong u leh wa ha kani ka Election, ka UDP ym em pynmih ko chi kyntien leh ha ka yalap Election chaphang ka Sohra District neibhah ini ym toh i por wow yaklam wei i por wa biang daw wan ko hajrong ini.

Ki paidbah e ki ka burom ya u Dr. Don, ong u Conrad

U montri rangbah ka jylla, uwa man leh u President ka NPP, u Conrad K Sangma da ong u wa kani man ko ka Election wow e burom ya u Dr. Donkupar wa yaka mynried ka Shella wei na ini i daw, ki paidbah da jied ki ya u Balajiedkupar Synrem u khon u Dr. Donkupar deiwa bichaar ya iwa da dep wei wow pait yaka mynstep ka mankawi.

Hajrong i pynbaad yong kiwi ki Party kam ka PDF ya i jop da yoh deiwa pynemkaam poisa, u Conrad da ong u wa ym emkaam wow ong iyi iyi tangwa ngait skem u hajrong ka yurim wa ya ki kaam wa bha yong u Dr. Donkupar. Da ong u leh wa ym em i ktah iyi iyi leh yaka sorkar hanlada em ki pynbaad ha ka Election neibhah haka kaam synchaar phær ko naka kaam Election wei lai ki jar jiar ki luti.

Share this:
Previous

Baam smai u Balajiedkupar kam u MLA ka Shella

Next

Duna poisa ka sorkar neidaw wa dang hap su yeiwa pynlut ka sorkar warim: Conrad

0 Comments

Leave a Reply