Jowai: U DSO ka West Jaiñtia Hills deilang waka yung krehkaam u DC ka WJH da pynman ki yaka Run for Unity kam chibynta wow lehkmen yaka National Unity Day (Rashtriya Ekto Diwas) ynne ka sngi kawa da wan wow kaweh lama da u DC ka District.
Kani ka Run for Unity kawa da lehkmen lang ha waroh ka ri haap ko haka sngi kha u Sardar Vallabhai Patel.
Ha kani ka Run for Unity da wan chimbynta waroh 230 ngut, chynrang wa kynthai.
Kiwa jop man ki kamni ha wah:
Chynrang
1st Place- Marso Kyndai
2nd Place- Dasaman Kyndait
3rd Place- Ribet Dkhar
Kynthai
1st Place- Pynhun Chulet
2nd Place- Daman Kyndait
3rd Place- Kaniatreilang Dkhar
Da saam leh ya ka khusnaam cha u Dachan Kyndait uwa 8 snem uwa man kam uwa khian rta dooh wa chimbynta wa cha u Clever Syngkli uwa man leh uwa heh rta dooh wa chimbynta wei da yoh ki mar T. 500 samen.
Ya kiwa yoh nyngkong da yoh ki T. 5000, wa ar T. 2500, wa le T. 1000.
Ha kani ka sngi yaka smai wow man kiwa yatylli da yah khmat da u Marso Kyndait.
Ya kani ka Run for Unity da sdang heipor 6:30 i step na Kiang Nangbah Stadium wei da lai luti ko na Ladthadlaboh Mainroad- Laad Kiang Nangbah Govt. College- By Pass-yingkieñ Myntdu-Police Point-Newhill wei da pynkut biang ha Kiang Nangbah Stadium.
Discussion about this post