15 49.0138 8.38624 1 0 4000 1 https://wyrta.com 300 0

E khublei ka JNPO wa ka Elaka Chilliangmyntang ya u MLA ka Mowkaiaw

0 Comments

Jowai: Ka seiñ Jaiñtia National People Organisation (JNPO), kamjooh leh ki paidbah ka 4-Mowkaiaw Constituency, da e khublei ki ya u MLA ka Mowkaiaw, u Nujorki Sungoh, uwa da pynyoh wei wow pynkreh ya u sarok Barato-Mukroh-Saba, uwa haap hapoh ka Elaka Chilliangmyntang, ya uwa da kreh kattæ chaaid chaaid.

U President ka JNPO u Andreas Suchiang, da ong u wa ya uni u sarok uwa jrong hadooh kamwa 8 KM pynyabi u ya kiwa boon tylli ki chnong ka thaaiñ.

Advertisement ad1

Uni u sarok lai u lyngba ka chnong Mukroh chadooh Saba, u wymjooh em næ chna ya oo. 

Ka seiñ wa ki paidbah ka thaaiñ da kitbok kitrwiang ki ya u MLA wow ye chooh u wow kreh wow wanrah ya ki kaam pynroi hapoh ka Constituency khamtam ka thaaiñ.

Da kyntu keh ya ki sahep (Engineer) ka PWD- North Jowai wa ya ki Contractor wow pynkreh hok ya u sarok khnang wow yoh myntoi hok ki paidbah khamtam ha i khayi pateiñ wa hawa em i chitom saja.

Advertisement ad1

0 Comments

Leave a Reply