Shillong: Ka Meghalaya ynne ka sngi da yaleh ko yaka yalehke wa nyngkong (Plate Group Match) yong ka haka U-23 Men’s One-Day Trophy pyrchah yaka Nagaland ha Cuttack deiwa jop ko da 4 Run donhi.
Hadien wa jop ka Meghalaya yaka kylla khlem, da jied ko wow Bat nyngkong wei da kamai ko 228/6 na ki 50 Over. Ka Nagaland won da chah pynhaap lut ki Wicket ko deiwa kamai 224 na ki 50 Over.
Yaka Meghalaya, u Raghav Kapur da kamai u 100 Run na ki 137 tylli ki bol kam uwa Bat wa soo. Deilang u wa u Yogesh Tiwari uwa kamai 35 Run da yoh ki deilang 126 Run neibynta ka Wicket kawa san.
U Anish Charak da kamai u 35 Run na ki 20 bol yow yarap yaka Meghalaya wow kamai ko 49 Run na ki 6 Over kiwa khaddooh.
Ka Meghalaya da pynemkaam ko hadooh 8 ngut kiwa kawang bol heiwa kiwa leh bha toh u Arbin Singh (3/29), u Aditya Verma (2/20), Charak (2/38), u Akash Choudhary (2/53) wa u Elchiang Momin (1/21).
Ka Nagaland da emkaam ko 5 Run naka bol wa khaddooh tangwa u Choudhary da ye u wow pynhaap ya u Ujwal Rai (23) yow pynjop yaka Meghalaya haka yalehke wa ya thain bha.
Discussion about this post