Jowai: I angnood ki Doctor wa ki paidbah ka ri-loom Jaiñtia khamtam kiwa em u khniang HIV namo ki People Living with HIV wow em noh ka Anti-Retroviral Treatment (ART) Centre ha Ri-loom Jaiñtia ynne ka sngi da man i iwa sakhiat hadien wa da wai noh ya kani ka Center ha Jowai Civil Hospital Ialong, hei emlang u Dr. K.C. Ajar DM&HO, West Jaiñtia Hills District, ka Dr. J. Lakiang DM&HO, East Jaiñtia Hills District, ki Doktor, ki Nurse wa kiwi kiwi.
Ha ka yalang ynne ka sngi da yoh yei klam na ka Dr. R. Pohrmen, Medical Superintendent, Jowai Civil Hospital, Dr. J. Lakiang DM&HO East Jaiñtia Hills District, ka I. Wriah Assistant Director CST, MACS, Dr. A. Lyngdoh, Director STI, MACS, Dr. A. Hinge Nodal Officer ART Center, Jowai Civil Hopital.
U DM&HO ka WJH, u Dr. Ajar, hawa klam da ong, u wa neiliang yong kiwa pait ya i chait i khiah em i angnood da slem wow em kam kani ka Centre ha Jowai Civil Hopital, neibhah i em kani ka Centre daw yarap ko chiboon ya ki bru wa kjut HIV-AIDS, neibhah ha ki por wa dadep kini ki bru haap lai thooh dawai ki chadooh Shillong wei em du kawi ka thaw Test ha ka Jowai Civil Hospital wei ini ktah bha i ya i por wa i lut i sep khamtam kiwa dooh wei deiwa em kani ka Centre heini daw yarap bha ko ya ki.
U Dr. Ajar da ong u leh wa katni em leh ki aiñ wow yada ya i hok kini ki bru wei ymhoi u khoh pyrtuid næ klam beiñ ya kiwa em kani ka kjut.
Da pyntip leh wa kani ka Centre u krehkaam noh ko nadooh mynstep.
Discussion about this post