Jowai: Hadien wa da pyndam yaka Article 370 ka Constitution ka ri India wei kamjooh leh da mynjur yaka aiñ Jammu and Kashmir Reorganization Act, 2019. Hapoh i yahkhmat u Prime Minister u Narendra Modi hapoh i pait u Union Home Minister u Amit Shah, yaka jylla wa rim kawa tip kam ka Jammu & Kashmir da pynkylla yaka cha ka Union Territory ka Jammu and Kashmir wei da pynkha leh waka Union Territory ka Ladakh haka 31-10-19.
Hapoh ka Union Territory ka Ladakh daw em ar tylli ki District ka Kargil waka Leh. Kiwa sah won u man ki kam chibynta ka Union Territory ka Jammu and Kashmir.
Ha u snem 1947, ka jylla Jammu & Kashmir em ko 14 tylli ki District-Kathua, Jammu, Udhampur, Reasi, Anantnag, Baramulla, Poonch, Mirpur, Muzaffarabad, Leh & Ladakh, Gilgit, Gilgit Wazarat, Chilhas wa ki Tribal Territory.
Ha u snem 2019, yaka jylla warim ka Jammu & Kashmir da pynkylla wei na ki 14 tylli ki District da phiah yow mih 28 tylli ki District. Kini ki District thymme man ki kamni- Kupwara, Bandipur, Ganderbal, Srinagar, Budgam, Pulwama, Shupian, Kulgam, Rajouri, Ramban, Doda, Kishtivar, Samba wa Kargil.
Na kini, yaka Kargil District da ah naka Leh wa Ladakh District. Yaka Leh District ka Union Territory ka Ladakh da batai hapoh ka Jammu and Kashmir Reorganization (Removal of Difficulties) Second Order, 2019, wa da pynmih da u President ka India, yow kynthup yaka thaaiñ ka District ka Gilgit, Gilgit Wazarat, Chilhas wa ki Tribal Territory ka 1947, cha kiwa da em chwa haka Leh & Ladakh District ha u 1947, hadien wa da pynmih yaka Kargil District.
Kamtæ hadien ini da pynbiang ya ki Map da ka Survey General of India kawa pynyoo yaki Union Territory wa thymme ka Jammu & Kashmir wa Ladakh, kamwa da chna haka 31-10-19 wei kini ki map man ki kamni ha wah.
Discussion about this post