15 49.0138 8.38624 1 0 4000 1 https://wyrta.com 300 0
Advertisement ad1

Psiah Semi Final u Leonaldo Lamin ha ka Semi Final ka India’s Biggest Singing Competition

0 Comments

Jowai: Uwi u khynroo wa tip kam u Leonaldo Lamin 19 snem, u khon ka Maia Lamin wa u (T) Tommy Tongper, na chnong Khonglah, Amlarem Civil Sub-Division, da po u cha ka kyrdan Semi Final, yong ka lympung Sushree Season-5, India’s Biggest Singing Competition, kwa man ha sorbah Bhopal,  Madhya Pradesh.

Ya u Leonaldo Lamin, da yah da ki heh ka National People Super-Star, kawi na ki seiñ kawa em ka thong wow yarap ya kiwa em sap wow rwai u siaw, kamjooh ha ka put ka tem wa kiwa ye u ak Film.

U Managing Director & Producer ka NPS, u Niskanto Pohdweng, da ong wa ka seiñ yarap ko ya ki bru wa em sap wow rwai, u chaad, wa kiwi kiwi wei wow yah luti ya ki ha ki lympung yakob waphær waphær. 

U Donbor Roy Myrthong uwa man u Casting Director & Coordinator, da ong wa kam uwi na kiwa yahkhmat ka NPS kyntu ko ya ka sorkar wow e kyrchaan ya kam kini kiwa em sap tangwa ki wym emlaad u pynyoo pyrthai neibhah wa boon kiwa dooh wa duk kiwa ym em wa wailaad ya ki. Da kyrpaad u leh ya ka sorkar wow e yarap ya kam kini ki seiñ kiwa yarap ya ki bru wa emsap. 

Neiliang u Leonaldo Lamin da ong u wa u da poi u chadooh kani ka thong toh lyngba i yarap ka NPS, kiwa da wan leh ya ka Audition hapoh ka chnong wow jied ya ki khynnah wa em sap wow rwai wow lai yakhun ha kani ka lympung.

U Leonaldo Lamin toh uwa puræ hadooh Class-VIII, wei neidaw i dooh i duk da haap ieh noh u yei puræ. Da ong u leh wa kani man ko ka sien wa nyngkong wow yoh u wow pynyoo ya i sap yong oo ha ki lympung wa heh wei man u du oo samen napoh ka jylla Meghalaya wa na ka thaaiñ mihsngi.

Da ong u leh wa nachwa jooh rwai u du heipor Chirstmas, New Year næ ki por wa man Fete hapoh ka chnong ka thaw yong ki wei ym em u poi pyrkhat u wow poi chadooh kani ka thong khlem i yarap ka NPS.

Ka Maia da ong u wa uni u khon yong ka u Leonardo, em sap u wow rwai nadooh wa dang khian u wei jooh chrai ko wa rwai u ha yung neibhah jooh pynkhlot chkoor u ka tangwa teiñ teiñ won jooh sñiawsuk ko yei rwai u, wei da e khublei ko leh ya ka NPS kawa da wailaad ya u khon yong ka.

Ya ka yakob Semi Final yong kani ka lympung u man i ha ka 24.11.2019, heiwa daw yakhun u pyrchah ya ki 30 ngut kiwi tawon kiwa da poi ha kani ka kyrdan wow poi cha ka Final.

0 Comments

Leave a Reply