Jowai: Ynne i step ka 5 tarik heipor kamwa 9:20 da pdung uwi u bom wa suba toh u bom IED ha Khoyathong Road hajan ka Sani Mandir, Imphal, Manipur heiwa da mynsoo 5 ngut ki pulit wa uwi u bru paidbah wei da chah ktah ki kattu katni tylli ki kari.
Ki pulit wa mynsoo da tip kam u Lamabam Amarjit uwa na Langthabal (Addl.SP Ops. IW), u Thongam Devan uwa na Lalambung (SI ka CDO Iw Bazar Unit), u Ningthoujam Ibotomba Singh uwa na Thoubal Okram (ASI of City PS), u Khuraijam Boney uwa na Singjamei Chingamathak (ASI of CDO IW) wa u Huirongbam Boboy uwa na Thoubal Ningombam (Rfm. ka 7th IRB uwa em leh waka CDO IW kamjooh u Escort u Addl. SP Ops. IW), u bru paidbah wa mynsoo da tip kam u Krishna Gurung uwa na Pangei Nepali Basti.
U Chief Minister ka Manipur u N Biren Singh da lai hiar u cha ini i thaw wei da beiñ joor ya ini i kaam tieñslah wow pynpdung bom ha ki thaw paidbah deiwa ong leh wa toh u beiñ ya ini da waroh.
Da ong u leh wa ini toh wa leh da ki bru wa da chrai yei yoo ki yei wan ka chongsuk chongsaiñ hapoh ka jylla iwa da wan ha kini ki ar snem chiteiñ.
Da kitbok kitrwiang u leh ya kiwa mynsoo wow yoh ki yei chait i khiah wa smat.
Discussion about this post