Yoobeiñ wei pynyoobor ka GVK deiwa maham thung kreh da kiwi lada ym wan kreh hapoh chi tayaw: MEMRIWU

Shillong: Ki wakreh ka GVK EMRI 108 hapoh ka lama yong ka Meghalaya EMRI Workers Union (MEMRIWU) kiwa da yakhih chah thngan da palat chi tayaw, da pynsñiaw ki wa i leh yong ki bor pynlai deiwa pynmih ya ka pynbna (Advertisement), wow e por chi tayaw ya ki wakreh wow wan sdang kreh biang lym kamtæ u thung noh da kiwi man i i yoohbeiñ yei hok yong ki wow pynsñiaw yei dawa.

U Roipar Kharraswai, President ka Union da ong u wa kani ka Advertisement toh du i pynyoobor pyrchah ya ki wakreh hanla ka sorkar da pyrchang ko wow pynbait yeini.

Da pynbaad u leh deiwa ong wa ini i leh ka Company toh wow phiah ya kiwa kreh neibhah wa tip ki wa ki wakreh chem ki yei eh i khoo ha yung ha sem na ini i yakhih.

Da pynbaad u leh wa ka sorkar da e laad ko ya ka Company hadooh ar bnai wow pynbait yei kaam, iwa pynyoo wa ka sorkar da kheiñstiñ ko yeini waroh iwa ktah yei yap i im ki paidbah. Da dawa leh na u montri ka chait ka khiah wow booh noh da ka tarik khnang wow ye ki u pteiñ biang yei kreh yong ki neibhah wa haap pait ki leh ya ka yung ka sem yong ki. Neibhah da kular u wow khut yaklam haka chi tarik uni u bnai tangwa hadooh katni ym pu em khut u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da maham leh wa lada kani ka Company thung kreh ko da kiwa thymme, ka seiñ daw lai noh ko cha yung kasari.

Neiliang u Publicity Secretary ka MEMRIWU, u Joseph Pynrope da ong u wa ka Union daw yang ko ya ki 7 sngi wow paitke lada ka Company thung ko da kiwa thymme neibhah emkaam wow hikai ya ki hadooh soo bnai wow man ki kam ki wakreh. Da ong u leh wa lada leh ko yeini neiliang ka seiñ daw pynyoo bait ko dei bor neibhah kam ki tre chnong ymtoh u chah yoohbeiñ ki ha ki Company baar jylla.

Ka General Secretary ka MEMRIWU, ka Susan Lyngdoh da ong ko wa ini i e Advertisement man i iwa lai lait ya ki wakreh neibhah da leh khlem yaklam næ pyntip ya ki tangwa da yoo yeini waroh du ha ki khubor.

Da ong ko leh wa hanlada chong yakhih ki ha pchem kani ka yung krehkaam ka Company nadooh ka 30 Naichiphaw tangwa ym em iwon iwon i khut wow yaklam.

Chooh chooh da onh ko wa ka sorkar da ieh khonswet ko ya ki wakreh ka 108 neibhah hadooh katni dang sleiñ ko kiaw hanlada ka Union da dawa ko ya iwa chongnia wei neibynta i bha i miat ki paidbah wa kjut wa chitom.