Jowai: Kam chibynta wow pynkhlan ya ka Party, ka BJP-Jowai Mandal ynnin ka sngi da jied ko ya u Kyrmen Siangshai wow man kam u President yong ka.
Ya ini i jied da sakhi da u Returning Officer In-charge West Jaiñtia Hills District, u Singh Mulieh, u Present District President u Shaphrang Lyngdoh, wa u Returning officer ka 2-Jowai Mandal Election, u Lakhon Dkhar, Co-returning Officer u Kyntu Mioo Shullai wa kiwi kiwi.
Chooh chooh ya u Hubert Marbaniang da jied ya oo wow man u kam u President ka 19 South Shillong Mandal.
Ya ini i jied ya u Hubert da sakhi da u Returning Officer Shillong City District, u Ernest Mawrie State Vice President, u Sanbor Shulai MLA In-charge Election Shillong City District wa kiwi kiwi.
Discussion about this post