Shillong: Ka yungmane ka Balang Church of God (Meghalaya & Assam) kawa em ha Qualapatty, Shillong kawa da em palat 100 snem, ynne i step synyaw heipor kamwa 3:30 da chah baam lut ko ha i diñ.
Kani ka yungmane man ko leh ka yungmane wa nyngkong ka Balang ha Shillong kawa da chna ha u snem 1910.
Kani ka yungmane toh kawa dang pynchna ya ki kattu katni ki bynta yong ka kam ka saad wa kynthup leh ya i rukom pynlai ya ki wire bordiñ.
Da khlaad leh arngut ki chi kurim kiwa sah ha i yung wa em hajan ini i yungmane wei da chah ktah haroh le tylli ki yung wa em hajan wa poor i diñ.
Neiliang ka SP ka EKH da ong ko wa ym pu nood wow ong iyi i daw wa sdang ini i diñ heipor wa wan pait ko yei yaleh tympleh ya ini i diñ wei da wan leh u montri ka kaam pohyung u James Sangma cha ini i thaw.
Kani ka Balang Church of God (Meghalaya & Assam) toh kawa da seiñ ha u snem 1902 da u Rev. Wolley Mohon Roy, Rev. J. J. M. Nichols Roy, Bro. Jobin Roy Chyne wa kiwi kiwi.
Discussion about this post