15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

U yarap ka Korea yaka Meghalaya wow pynim biang ya ki thaw wa chah ktah nei tih mooyong

0 Comments
Advertisement ad1
Advertisement ad1
Advertisement ad1

Shillong: Kam chibynta ka 4th Edition ka India International Cherry Blossom Festival, da pynman yaka Bilateral Summit hapyrdi ka Republic of Korea waka sorkar Meghalaya ha State Convention Centre, Shillong ynne ka sngi.

Ya kani ka yaphyllu yumut hapyrdi ki arliang da pynman daka sorkar Meghalaya, ka Embassy of the Republic of Korea deiwa ya krehlang hapyrdi ka Korean Cultural Centre, Indian Council for Cultural Relations (ICCR) waka Institute of Bio-resources & Sustainable Development (IBSD), ka sorkar India. Ka thmu wa kongsan dooh kani ka yahcem yaphyllu yumut toh toh wow e kylliang ya ki buit ki budia heiyatoh waka yoh ka kot wei wow pynkhlan leh ya i yatoh lok hapyrdi ka Republic of Korea waka Meghalaya khamtam ha ki kaam wa yatoh wa i jhep, i pynmih bordiñ, u pynim biang ya ki thaw wa da chah ktah na i tih mooyong, ki kaam uiñke suwari wa kiwi kiwi.

U Ambassador ka Republic of Korea cha India u Shin Bong-Kil, da yahkhmat u ya ki dkhot ka Republic of Korea katwa yaka sorkar Meghalaya da yahkhmat da u James P.K. Sangma, Minister in charge, Home, Power etc. wa u Lahkmen Rymbui, Minister in charge, Forest & Environment, Education etc. deiwa emlang ki heh sorkar na ka chnat Forest, Mining and Geology, Urban Affairs wa kiwi kiwi.

Hawa e ya ki ktien phang pyrdi, u Ambassador ka Republic of Korea cha India u Shin Bong-Kil, da pynsñiaw u yei sñiawkmen yei chah khut sñiawbha u wow embynta lang haka India International Cherry Blossom Festival 2019 wei pynsñiaw u leh yei sñiawngooh yei rukom pdiang sñiawbha ya oo da ki paidbah ka jylla. Da pyntip u leh wa kiwa wan lang wa oo toh ki dkhot ka Company Korea kawa kreh wow pynim biang ya ki thaw wa chah ktah nei tih mooyong kamjooh yow pynyirngam biang ya ki khloo, ka rymaw wa ki um ki wah wa da chah ktah nei tih mooyong.

Da ong u leh wa 50 snem nachwa ka ri yong oo toh kawa ym em iyi iyi leh wei kawa dooh tangwa katni da em ko hakhmat bha ha ki kaam wa yatoh wow pynmih bordiñ, Technology, u chna jhad, u pynmih Steel wa kiwi de. Kamtæ sñiawthooh u yei kwah ka Meghalaya wow ya krehlang waka Republic of Korea heiyatoh wow pynim biang yaka rymaw kawa da chah ktah nei tih mooyong kawa ka ri yong oo da ye ko wow leh ya ini heiwa ki leh da dep maad ki ya ini i jooh iwa chah ktah nei tih maar pohkhyndaw.

Neiliang u James K.P. Sangma da klam u chaphang yei lai u cha South Korea yow tip chaphang ki kaam wa da lai ki chakhmat khmatam ka Technology kawa da pawnaam ko ha waroh kawi ka pyrthai.

Neiliang u Lahkmen Rymbui, da ong u wa emkaam wow ya krehlang wa kiwa boon ki chnat wei wow thooh laad kammon wow pynku yaka kaam puræ puthi.

Kiwi de kiwa klam neiliang kiwa na Korea toh kiwa mihkhmat ka Chamhana GW Co. Ltd., heiyatoh i pyllang jhep wei chaphang ka rymaw wa i ktah i tih mooyong da klam da kiwa mihkhmat ka Department of Mining and Geology wa naka Department of Forest and Environment ka sorkar jylla.

Advertisement ad1
Advertisement ad1

0 Comments

Leave a Reply