U yachem ka 7 Wasa United FC waka Ryntih Sports Club yow yaknieh psiah cha ka MSL

Jowai: Kam chibynta wow yaknieh psiah cha ka Meghalaya State League (MSL) 2019 ya ki liang wa rem Final ha ki League wa ha khlieh dooh waphær waphær ki District, ka 7 Wasa United FC (WJDSA) daw yachem ko waka Ryntih Sports Club (SSA).

Ka yalehke u man ko arsien daka yalehke Home & Away heiwa mynstep ka 18 tarik heipor 1:00 waje i sngi daw pynman yaka yalehke wa nyngkong hapyrdi ka 7 Wasa United FC waka Ryntih Sports Club (SSA) ha Kiang Nangbah Stadium, Dongmihsngi Ladthadlaboh, Jowai.

Ka yalehke wa ar u pynman haka 22 tarik uni u bnai ha JN Stadium Shillong heipor 1:00 waje i sngi.

Ha kani ka yaknieh psiah cha ka MSL kawa tip leh kam ka Play Off, kiwa tam Point deiwa kheiñlang ha waroh ar ki yalehke daw yoh ki u chimbynta haka MSL.

Related posts

Pynbna ka AIFF Rs. 42.75 lak cha ki kynthai wa yalehbol ka India hadien wa yoh ki wow psiah cha ka AFC Women’s Asian Cup

July 6, 2025

Jop ka North Liberty wei sihbhah ka Govt. Boys’ ha ka Final ka Subroto Cup 2025

July 6, 2025