Jowai: Ka Rotaract Club Pine City da lehwarom ko ya ka sngi Children’s Day deiwa lai ha ka Ferrando Transit Shelter Home ha ka 16 tarik uni u bnai.
Ya ka seiñ da yahkhmat da u President yong ka, u C.A. Ram Kyndiah wa uwa ebuit (Advisor) ka seiñ Skhemjingmut Law chirup wa ki dkhot ka Rotaract Club of Pine City (Youth Wing ka Rotary Club of Shillong).
Neiliang ka seiñ ha kani ka sngi da lai e sñiawbha ko ha ki yung wow chakri paidbah deiwa e ya ki sula, ki kot ki sla, ki baam ki dih, wa kiwi kiwi.
Da em leh ka e sñiawbha kawa tip kam ka “Act of kindness”, kawa kyrchaan da ka Assam Don Bosco University wa ka Free Eye Screening Camp hei yakrehlang wa ka Bansara Eye Care Centre.
Ka Ferrando Transit Shelter Home toh kawa da sumaar ya kiwa boon ki khynnah ka jylla kiwa ym em wa pait ya ki.
Neiliang ka Sister Teresa Salemthangi, kawa man leh ka Director kani ka thaw da khana ko ya ki kaam yong ka nadooh wa sdang ya ka ha u snem 2008.
Discussion about this post