Jowai : Hadien wa syir mynsien ki dong ka Jowai wa chah dait ki bru wa boon ha ki ksaw wa biej kiwa da em kamwa 3-4 tylli kiwa da dait leh ya kiwa boon ki bru wa kynthup ya kiwa heh wa khynnah ynne ka sngi da yoh yachem wa ki Doctor ka Dr. Norman Tunnel Hospital, Jowai heiwa da pyntip ki wa ym duna ya 9 ngut ki bru kiwa da wan chim injection yow yada nei kjut Rabies du ynnin i miet.
Ki doctor kani ka hospital ong ki wa lada ki bru chah dait ki ha u ksaw wa ym pu em yoh injection na ki doctor mrad (Veterinary Doctors) haap li chim ki leh sa ka injection rabies immunoglobulin wa ye u yoh du na Pasteur Institute, Lawmali, Shillong neibhah i dawai wa em ki haki ym ye ki u yada hadooh katteæ.
Da ong ki doctor leh wa ym hoi u kheiñstiñ lada chah dait ksaw hanlada man ki kiwa ym biej leh haap lai yachem ki yaki doctor.
Iwa eh katni ha Jowai toh boon ki ksaw khlemtre wa uiñ cha wah cha neiñ kiwa ye u rah ya i kjut rabies. Boon hi leh ki tre ksaw ym em chimkhia u li e inject yaki ksaw yong ki yow yada ya ki na ini i kjut rabies.
Deiwa kheiñ stiñ ki tre ksaw, uwi u ksaw wa biej smat i kjut u poor na oo cha uwi won u ksaw.
Katkam waman ynnin da sakhi ya uwi u ksaw wa suba wa biej wa chah tynyap ha Riationgpiah, weiwa ynne i step ki khon ka chnong Panaliar da yoh ki u siat yap ya uwi u ksaw uwa dait kulmar ya kiwi ki ksaw wa uwa tia chajan bait ki bru kamwow dait yaki.
Heijooh i por ki dorbar chnong da pynbna paidbah ki lyngba ki tanghæng yow man ki chnong kiwa syndong hei lai i wan watoh dang em kam kini ki ksaw wa uiñ nan hi eh yow lait na iwon iwon iwa sñiawsih.
Katkam ka khubor da ong leh wa da em ki khynnah wada chah dait ha Umchangiar, ha Loomiongkjam wa kiwi kiwi ki thaw.
Discussion about this post