Ka chnat tynyap bomb namo ka Bomb Disposal Squad (BDS) yong ki chipai Indian Army ynnin ka sngi da tynyap ko ya u bomb Improvised Explosive Device (IED) wa booh da ki damok kieñ suloi ha Anantnag District, Jammu & Kashmir.
Ya uni u IED, da chem najan Khudwani Bridge ha u sarokbah National Highway 11 wei mar chem ya oo da pyntip noh wut wut ya ki BDS wei da kær talawiar ya i thaw wa booh ya uni u bomb.
Uni u Bomb uwa 25 kilo kynthup u ya 2 tylli ki tadong wa em wakhor wa khia kamwa 15 wa 10 kilo, da kit ya uni u bomb cha i thaw wa jngai dei da tympdung ya oo.
Lada pdung uni u IED daw ktah joor bha u ya kiwa lai wa wan wa ya ki chipai wa ki pulit lai uiñ sonteri.
Nadooh wa tynyap ya ka Article 370 ka riti synchaar ka ri, wa phiah ya ka jylla Jammu &Kashmir ha u Naisaphra uni u snem neiliang ki damok kieñ suloi na Pakistan da pynjoor bha ki wow pynthut yei chongsuk ha kani ka thaaiñ.
Discussion about this post