November 23, 2019

Jop ka Meghalaya yaka Manipur haka U-19 Cooch Behar Trophy

Advertisement ad1

Shillong: Ka Meghalaya da jop ko yaka Manipur da 128 Run haka yaklehke nyngkong yong ka haka U-19 Cooch Behar Trophy wa pynman ha Kolkata ynne ka sngi.

Ka Manipur da jop ko yaka kylla khlem ynnin ka sngi kawa man leh ka sngi nyngkong wei da phah Bat nyngkong ko yaka Meghalaya kawa haap lut ki Wicket deiwa kamai 197 Run na 49.1 Over.

Ka Meghalaya ha iwi i por daw yoh ko 59/6, tangwa i kamai lang 73-Run da u Joydeepan Deb (62) wa u Sudhir Sahani (43) da pynpoi ko da 132/7. Neitæ ka 35 Run na ki 26 Bol da u Aryan Borah da pynpoi ko yaka Meghalaya 197 Run.

U Aryan Borah da ka bol da yoh u yaka Hat Trick haka Innings wa nyngkong ka Manipur deiwa yoh 4/15 na ki 6.5 Over heiwa ka Manipur da haap lut ki Wicket ko da 83 Run na ki 24.5 Over, iwa pyntam yaka Meghalaya da 114 Run. Kiwa de kiwa yoh u pynhaap Wicket yaka Meghalaya toh u Aaron Nongrum (2/12), Divyansh Rajput (1/0), Sahani (1/15) wa u Abhishek Kumar (1/23).

Advertisement ad1

Ka Meghalaya haka Innings wa ar yong ka da chah pynhaap lut ki Wickets yong ka deiwa kamai du 64 Run donhi heiwa u Sahani da kamai boon dooh u da 20 Run na ki 22 tylli ki bol, pynbood sa u Swastic Chettri uwa kamai 16 katwa kiwi da kamai ki hapoh ka 10 Run.

Kamtæ yaka Manipur da booh thong yaka 179 Run yow jop ko tangwa u Abhishek Kumar ym e laad u deiwa pynhaap 6 Wicket deiwa chah kamai u 32 Run iwa da pynhaap lut ya ki Wicket ka Manipur deiwa kamai ki 50 Run donhi. U Borah da pynhaap u 3 Wicket yow yoh waroh (7/24), da yoh chi Wicket u Sahani (1/14).