Daw chong bichaar ka sorkar yei rai u Lat hajrong ki kaam ka KHADC

Shillong: U montri rangbah ka Meghalaya, u Conrad K Sangma da ong u wa ka sorkar ym tip ko iyi wa u Lat, u Tathagata Roy chem u hajrong i kyntait yei kyntu ka sorkar wow pynkrehkaam da ka synchaar Administrator’s Rule ha KHADC.

“U Lat da chim u ka rai katkam i chem wa i sñiawthooh yong oo, ye u man wa da chim u ya ka rai katkam ka aiñ, tangwa ka sorkar daw bichaar ko ya kani ka kaam wei hajrong kiyi ki yurim wa u Lat da e u yaka rai, hadien itæ ka sorkar leh daw rai ko kammon wow lai chakhmat hajrong kani ka kaam,” da ong u Conrad ynne ka sngi.

U Conrad da ong u wa ha KHADC i khih yong ka saiñpyrthai ye u man na i yathut wa hapyrdi wa para MDC.

“Nga daw yachem O ya ki MDC wa na ki seiñ wa emlang ha ka sorkar myntu i janmiet yow pynbait ya ki kynrum kynram wei daw thooh ya ki tre hachwa wow lai chakhmat,” da ong u.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong i wanrah wym chaniah de sa ya ka Executive Committee ha GHADC wa yahkhmat da ka National People’s Party (NPP) da ka liang pyrchah na ka seiñ Congress, u Conrad da ong u wa i man ha GHADC yaphær ko kawa KHADC.

“Ha Garo Hills yaphær ko, i tikna i wa ha GHADC ym mih kawon kawon ya ka EC,” da ong u Conrad.