Shillong: Uwa yahkhmat ka UDP u Bindo M Lanong ynne ka sngi da beiñ u ya u Lat ka jylla, u Tathagata Roy hajrong i pdiang ya u Latiplang Kharkongor kam u CEM ka KHADC khlem lai katkam ki aiñ.
Hawa beiñ yeiwa leh u lat, u Bindo da ong u wa lada jia iwon iwon ha District Council, u Lat toh u bahkhlieh u neidaw wa da leh bakla u neibhah ka UDP da klam che ko ya ka sorkar lada u Lat man u kamni neiyi i daw wym synchaar u da oo hi neibhah ym emkaam de u ya ki montri sorkar.
Da ong u leh wa u Lat da chim u ya ki bynta wow leh pynda oo hi khlem lai cha ka chnat District Council Affairs (DCA) ka sorkar jylla, tangwa da tipmit u ya u CEM.
Da ong u wa ini i leh u Lat man i iwa khlem yurim wei iwa khlem aiñ.
“Lada pait katkam ka riti synchar ka ri India, ym em ka luti wa kdaw wa u Lat ye u wow leh katwa kwah u, wot ka Article 163 ym em ong ko wa u Lat ye u wow chim donhi ka rai samen, tangwa toh u lai u katkam i rukom e yumut ka dhab ki montri”, da ong u.
U MDC ka United Democratice Alliance da kylli u na u Lat, hajrong kayi ka yurim wa da mynjur u yei jied ya u Latiplang hawa i em bru man i mar 14 ngut ki MDC.
Ki MDC na ka UDP ynne ka sngi da lai yachem biang ki ya u Symbood Montri Rangbah, u Prestone Tynsong wow tip ya ka rai ka sorkar hajrong ka rai yong u Lat wa da pynksan ya ka Executive Committee wa thymme wa da yahkhmat da ka United Democratic Forum (UDF) wa u Latiplang Kharkongor kam u CEM.
“Da klam che i ha u Tynsong wa lada mynjur ya i pyrtuid ki Executive Member, phi leh da bakla phi kamjooh wa u Lat”, da ong u.
U Bindo da ong u leh wa ka sorkar daw em ko hei eh lada mynjur ki ya kiwon kiwon ki kaam ka KHADC wa yahkhmat da u Latiplang wei hajrong ini u Prestone da kular u wow bichaar wei wow pynbait biang ya ini i kaam.
%MCEPASTEBIN%
Discussion about this post