Jowai: Ka yung bichaar High Court of Meghalaya ynne ka sngi da hukum ko wa ya ka dorbar tlang yong ka JHADC ka wow sdang mynstep ka 28 tarik u pynlai ya ka toh da u Dy. Chairman ka Council, u Ailad Bhoi wei ya kani ka hukum kani ka yung bichaar da e ko ynne hajrong ka mukotduma wa yaleh u MDC, u Andrew Shullai.
Ka hukum da ong ko leh wa u Chairman ka Council, u Finelyness Bareh u man u kam u dkhot donhi ha kani ka dorbar wei ye u wow chimbynta ha ka kam kiwi tawon ki MDC.
Ya kani ka hukum da pynmih da u Judge ka High Court, u Justice W. Diengdoh hajrong ka mukotduma MC (WPC) No. 258 of 2019.
Ya kani ka mukotduma u Shullai da yaleh u hadien wa u Dy. Chairman da khut pynman u ya ka dorbar wow jied ya u Chairman ha ka 9 Naikhynde 2019 heiwa da jied ya u Finelyness Dkhar hadien wa ieh noh u Lakhon Biam ya kani ka chuki u Dy. Chairman yeiwa u Shullai da ong u wa ini i pynman dorbar da lai lait i ya ki kyndon ka aiñ.
Ka Court da ong ko leh wa ym kwah ko wow pynthut yei wow pynman ya ka dorbar ka Council kawa da booh wow sdang mynstep ka 28 tarik.
Discussion about this post