Shillong: Ka Meghalaya da pynkut ko ya ki yalehke Group-A yong deiwa khlem rem haka Sub-Junior National Football Championship Final Round heiwa ka yalehke yong ki ynne pyrchah yaka Odisha da kut ko 1-1 kawa pynman ha Kalyani, West Bengal.
Ka Meghalaya da yoh chwa ko wow psiah Semi Final hadien wa jop ki le sien wei ynne ka sngi u Coach u Jefferey Warlarpih da e laad u leh ya kiwa yalehke kiwa ym pu em yohlaad wow hiar madan.
Ka Odisha da yoh ko wow thap kool nyngkong haka minit wa 36 kawa man leh ka sien wa nyngkong wa chah thap kool nyngkong ka Meghalaya ha kani ka Final Round. Ka Meghalaya da yoh ko wow su kylliang hadien 30 minit da ka kool u Baniatyllilang Mawkhiew haka minit wa 67.
Kani leh man ko ka sien wa le wa thap kool u Mawkhiew ha ki le tylli ki yalehke.
Kam ka Team wa em ha khlieh dooh ka Group A, ka Meghalaya daw yachem ko waka Team wa yoh wa ar haka Group B (kawa daw pynman mynstep), ka Semi Final u pynman haka 01-12-19.
Discussion about this post