Jowai: Ki pulit pynlai kari ka Jowai Traffic Police kam chibynta wow pynkyllooid ya ki sarok, ynne heipor kamwa 11:00 waje i sngi da sdang ki u pynkrehkaam ya i rukom pynlai kari wa thymme ha Jowai.
I rukom pynlai kari da man i iwa lai bait lait na i sah ki kari kam ha ki bynta ka DC Point.
Hawa yaklam wa u DSP (Traffic), u Donkupar Moksha da ong u wa i rukom pynlai kari u neh i kamjooh ha ki sngi wow wan wei daw pait kammon wow ye u pynjanai chooh chooh yei rukom pynlai kari khnang wow lait na i sah kari.
Chooh chooh da pyntip u wa mynstep ka sngi ymchah de ya ki kari na Iawmusiang (Blue Heaven Restaurant) u psiah ki cha Thomas Jones Synod College wei daw chah du ya ki kari na Dulong College Road wow psiah cha Iawmusiang.
U Moksha da kyntu u leh ya ki paidbah wow man ki kiwa yaichah neibhah ini i pyrchang ki pulit toh wow thoohlaad kammon wow pynsuk yei lai i wan ki kari.
Discussion about this post