Shillong: U Chief Executive Member ka KHADC, u Latiplang Kharkongor da ong u wa palat 100 tylli ki File yong ka chnat khayi pateiñ (Trade) ka Council kiwa wiar, wei ka Executive Committee daw thung ko ka takit wow chem yei daw wei sakhiat hajrong i wiar kini ki kot wa emkaam ka chnat.
U Kharkongor da ong u wa kiwa boon ki File ka chnat Trade ha i pait ka Executive Committee wa yahkhmat da ka UDA da wiar ki wei hadien wa paan yutip u hajrong i e ya ki Trading Licence lada man ki kiwa rim wei kiwa thymme tangwa da khyrngiat u wa da wiar lut ki File.
Hawa pynrap neiliang u Pynshngain N Syiem da ong u wa kani ka kaam man ko kawa khia wei daw paan jubab leh na ki sahep ka Council, neiwon kini ki File wiar ki wei cha ka yong ka miej wa lai ki.
Da ong u wa hadien wa da yoh ya ka bui (Report), ka Council ye ko wow ujor wot cha ki pulit.
Hawa kylli, da ong u wa lada u Executive Member warim da rah u ya kitai ki File cha yung man ko pyrchah ya ka aiñ neibhah ya ki kot emkaam ka Council toh u booh ha kamra krehkaam.
Discussion about this post