Shillong: Ka Khasi Student Union (KSU) ynne ka sngi da kynmoo warom ko ya ka lyngkhooh sngi yap wa 25 snem u president warim ka seiñ, u (T) Bull N Lyngdoh heiwa da embynta da ki spah ngut ki dkhot ka seiñ heipor wa booh syntu ya u mot sahnaam yong oo wa em ha Malki,Shillong.
Ha kani ka sngi da emlang leh ki heh warim ka KSU wa kiwa hayung hasem u Bull Lyngdoh, wei da yoh i klam na President ka KSU, u Lambokstarwell Marngar wa na u General Secretary, u Donald Thabah wa kiwi kiwi.
Hawa klam ha ka yalang wa tbian, u Marngar da beiñ u ya ka sorkar pyrdi hajrong i thmu wow pynman aiñ ya ka Citizenship Amendment Bill, deiwa pynbaad wa i khut yaklam u montri ka kaam pohyung, u Amit Shah ya ki seiñbhalang wa ya ka sorkar Meghalaya toh du wow pyndep rukom katwa ya ka rai ka sorkar BJP toh kawa dadep chim chwa.
U President ka KSU da ong u wa kamwa ka NESO da pynbna yakhih ko wow pyrchah ya ka CAB haka 10 tarik, ka KSU da kyntu ko ya waroh wow man ki kiwa yakrehlang ha kani ka yakhih pyrchah yaka aiñ pynchlur yaki baar ri.
Discussion about this post