Jowai: Ka JSU Jowai Circle ynne ka sngi hei emlang u President ka chnat, u Neal Jordan Rymbai wa u General Secretary, u Aplang Lamare ryngkatlang u General Secretary ka seiñbei, u Jersom Shylla da lai e yarap ki cha ki khonswet wa em ha Sahsniang kawa tip kam ka NEIMA Children’s Home yong ki khynthai wa chynrang.
Ka seiñ ha ka yalang wa tbian da yaroh ko ya kiwa pynlai kani ka thaw wa da kreh chitom ki wow pyntoh pyntne yei emkaam kini ki khynnah ha kani ka thaw wei kiwa pyntikna wow pynbiang yei emkaam kini ki khynnah.
Ka seiñ da ong ko leh wa dap ko dei mynsien wa kmen wow yoh u yarap ya kini ki khynnah deiwa kyntu leh ya kiwi wow e yarap ya ki.
Da kyntu ko leh ya u montri ka Social Welfare, u Kyrmen Shylla kamjooh ya u MLA ka thaaiñ, u Nujorki Sungoh wow yarap ya kani ka thaw.
Ka seiñ da ekhublei ko leh ya kiwa da yarap (Sponsors) ya kani ka program wow pynman ya ka kawa jop deiwa kitbok ya ki wa u Blai u kyrkhu u ya ki.
Ha kani ka sngi da emlang leh u Publicity Secretary ka seiñ u Tricky Mukhim, u President ka Khliehriat Circle, wa kiwi kiwi na kani ka Circle kam u Livingson Sama, u Vice President, Lastiborn Siangshai, u Emanuel Bhoi wa kiwi kiwi.
Discussion about this post