Kwah ki Hindu na Sri Lanka wow chah kynthup ha ka CAB

Ki jaitbru Tamil kiwa ngait ya ka niam Hindu da beiñ ki ya ka sorkar pyrdi wym kynthup ko ha ka CAB ya ki Hindu wa chah lehbeiñ ha ri Sri Lanka.

U Maravanpulavu K Sachitananthan, uwa yahkhmat ya ka Sri Lankan Shiva Senai, ka seiñ ki Hindu ha Sri Lanka da ong u wa ki Hindu hapoh kani ka ri ymphær i chem ki kam kiwa em ha Afghanistan, Pakistan wa Bangladesh.

Da beiñ u ya ka CAB ka sorkar India kawa da kyntait ya ki Hindu wa em ha Sri Lanka kiwa da em palat 10,000 snem ha kani ka ri.

Hapoh Lok Sabha leh da mih i sur wow kynthup ya ki Hindu na kani ka ri wei yeini da wanrah da ka DMK.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U T. Siva, uwa man u MP Rajya Sabha ka DMK da ong u wa ka sorkar toh u pyrkhat bha ko chwa wow kyntait ya ki Tamil Hindu na ka CAB.

Neiliang ki MP wa kynthup ya Dayanidhi Maran yong ka DMK wa u Prasanna Acharya yong ka BJD da ong ki wa daw kyrchaan ki ya ka Citizenship Amendment Bill lada kynthup ya ka ri Sri Lanka ha ka.

Katkam wa man katni em hadooh 12 lak ngut ki Hindu na Sri Lanka kiwa da yut na kani ka ri cha kiwi tawon ki ri ka pyrthai wei nadooh u 1983 kamwa 3 lak ngut ki Hindu da sah yut (refugee) ki ha India wei na kini kamwa chi lak ngut em ki ha ki thaw sah wa chipor namo ki Refugee Camp.