Shillong: Ka Meghalaya da jop ko da 110 Run yaka Nagaland haka yalehke Ranji Trophy wa pynman ha Dimapur ynne ka sngi.
Deiwa emkaam 292 Run yow jop, ka Meghalaya da pynhaap lut ko ya ki Wicket ka Nagaland da 181 Run haka Inning wa khaddooh ka yalehke haka sngi wa le.
Ka Meghalaya da pteiñ ko yaka Innings wa ar yong ka hei step da 89/9, iwa da tam 238 Run. Hadien wa neh u uwa bat hawa 11, u Dipu Sangma da 13 bol ynnin khlem yoh chi Run, hawa pteiñ hei step da kamai u 36 Not Out na ki 70 tylli ki bol wa kynthup ya ki 6 tylli ki 4 Run. Da man u leh uwa kamai boon Run dooh ha kani ka Innings ka Meghalaya kiwa da ye u kamai du 142 Run.
Ka Meghalaya da kamai ko 285 Run haka Innings wa nyngkong heiwa da jubab ka Nagaland da 136 Run. Kamtæ yaka Nagaland da booh thong 292 Run yow jop ko. Da kdong ki yaka thong da ki 49 Run ka kamai lang u Aosashi Longchar (44) wa u Yogesh Takawale (21).
Ya kani ka kamai Run da pynkut da u Dipu Sangma (1/18) wa u Sanjay Yadav, uwa da yoh 9 Wicket haka Innings wa nyngkong ka Nagaland, da pteiñ u wow man kam u moochynthut yaka Nagaland uwa da yoh 4/60 (waroh 13/112). U Punit Bisht uwa jooh yang Wicket, ynne da kawang bol u deiwa yoh u 2/18 kiwa man leh ki Wicket wa nyngkong yong oo haka Senior Level. U Ravi Teja da yoh u 2/31 yow pynpoi yaka Meghalaya cha i jop.
Discussion about this post