Ha uni u snem daw yoh ya ka Champion wa thymme ka SSA Super Cup hadien wa ka Meghalaya Police da pynrem ko ya ka Champion u 2025 ka Shillong Lajong da 1-0 ynne ha ka Semi Final wa ar kawa da pynman ha SSA Stadium, Shillong.
Ka MLP daw yachem ko wa ka Nongkseh ha ka yakhun Final kawa daw pynman ha ka 19 tarik heipor 5:30 i janmiet iwa mut wa ha uni u snem kawi na kini daw man ki kam ki Champion wa thymme hei sien wa nyngkong. Ka Nongkseh da psiah Final ko deiwa jop ya ka Mawlai da 1-0 katwa ka MLP da jop chwa ko ya ka Langsnging deiwa yachut Penalty ha ka Playoff chwa wow yoh u psiah Semi Final.
Ha ka yalehke ynne, ya ka MLP da pynjop da u Everestarly Rynjah uwa da thap ha ka minit wa 40 deiwa ya krehlang wa u Rapborlang Marwein wei kini ki ar ngut nachwa da yalehke ki deilang yow yoh u thap kool.
Ka Meghalaya Police wa ka Nongkseh toh kiwa em ha ka SSA First Division ha u 2025, heiwa ka Nongkseh da yoh ko yei naam Champion katwa ka MLP won da yoh Runners-Up ko. Wei ha ka Shillong Premier League uni u snem, ka Nongkseh da yoh ko hei wa le katwa ka MLP hei wa san.
Discussion about this post