Da pynman yaka Poetry Reading ynne ka sngi ha Thomas Jones

Jowai : Ka English Department yongka Thomas Jones Synod College, Jowai ynne ka sngi da pynman ko ya ka ‘Poetry Reading’ wa nynkong heiwa da yoh ki khynnah puræ wa kamjooh kiwa thoh sur rwai (poetry) u pynsñiaw paidbah ya kiwa boon kiwa da thoh ki.

Da emlang leh ynne ka sngi u Riquoma Rq. Laloo wa u Wansalan E. Dhar ki arngut kiwa da dep pynmih ya ki thup poetry hei ktein Pnar wei ha kani ka yalang da ban joor ki wa emkaam u pynneh pynsah yei ktien yong i neibhah ka jaitbru wa ym tip u pynneh pynsah ya ki ktien u thylliej man ki kiwa daw wiar jait.

U kongsan ha kani ka sngi u B.N. Lamare ong u wa oo leh man u u bru wa ka-it bha ya ki sur rwai wei da puræ u leh ya kawa da thoh u kawa e pyrtuid u “Less we forget.”

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka kong R.B. Dkhar wa man leh kam ka Assistant Professor ha kani ka College ong ko man sakhiat kani ka “Poetry Reading” ka kabu ksiar neibhah boon ki poetry yong ka da sah kdong ki neibhah ym jooh yoh u pynsñiaw næ pynmih pyrthai ya ki.

Ha kani ka sngi da em kamwa 11 ngut kiwa puræ ya ki poetry kiwa da thoh hei ktein Pnar, Khasi wa English wa kynthup ya ki nongsikai ka college ka Pynhunmiki Susngi, ka R.M. Khonglah da puræ ki ya ki poetry yong ki.

Ki khynnah wa puræ ka kani ka college kam ka Samita Dkhar, Bethel Darnei, u Wandame Dkhar, u Sammon-I Pohshna wa kiwi kiwi ki khynnah wada mih na ka college kamjooh kiwa dang yang result da yohlaad ki u pynsniaw ya ki poetry cha kiwa emlang ha kani ka sngi.

U Wansalan Dhar hei pachat yumut wa kiwa emlang ong u wa kam kiwa thoh, heiwon heiwon ipor wa wan i pyrkhat ha khlieh wa ye u ki thoh chaphang iwon iwon, toh u chim ya khulom tæ thoh ya ki heitu wot i por yow lait u mylliñ ya ki. Heijooh ipor da ong u wa oo ymtoh thoh kot u yow pynmih poisa tangwa i sap wada e u blai yow yoh laad u bhah cha kiwi yow puræ ki ki.

Da yaklam leh yei eh u kylla yei ktien Pnar cha i ktien phareng neibhah boon i por wiar i bor ki ktien.

Neiliang kiwa pynman ya kani ka “Poetry Reading” ong ki wadaw pyrchang u pynman yaka 3 sien chisnem yow pynchlur ya kiwa boon kiwa thoh wa em cha ki chnong yong i.