Shillong: Ka DC ka East Khasi Hills District da pyntip ko wa deiwa pyrkhat yei rukom man heiyatoh wa i lai ryntih ka aiñ haki thaw wa haap hapoh Sardar PS wa Lumdiengri PS wa em hapoh Shillong heiwa da em kiwa jia kam i chah thang, i tympra yaki thaw ki bhaw hadooh ki kari wa em hapoh i pait kini ki ar tylli ki Police Station.
Wei ini daw ye u wanrah yei dooh i chongsuk chongsaiñ hadooh i mynsoo mynsnam kamtæ nadooh ynne ka sngi ka 12 tarik da pynkrehkaam daka Section 144 Cr.PC yow pynman daka Curfew nadooh ka 12 tarik uni u bnai ka wow krehkaam nadooh 10 waje i miet hadooh wa pynbna da iwi.
Ki thaw wow krehkaam ka Curfew ha Shillong man ki kamni ha wah:
- Lumdiengjri PS waki Beat House waki Outpost wa em hapoh yong ka:
Waroh ka Jaiaw, Mawkhar, Umsohsun, Riatsamthiah, Wahingdoh, Mission, Mawprem, Lumdiengjri, Lamavilla, Qualapatty, Wahthapbru, Sunny Hill, Cantonment, Boucher Road, Mawlong Hat (lait noh ki dong wa em cha pyllat ka yingkieñ Umshyrpi).
- Sadar PS, ki Beat House waki Outpost:
Kini kyntup ya waroh ka Police Bazar, Jail Road, Keating Road wa Polo.
Ka khubor wa da yoh wa ha Motphran da em ki ya kawang moo wa i siat Tear Gas hapyrdi ki pulit waki paidbah iwa da sariem bha yeiwa jia heipor wa em ka yakhih neidaw ka Them Mator.
Discussion about this post