15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Tyrwa biang ka sorkar cha u Lat wow pynkrehkaam yaka Administrator’s Rule hapoh KHADC

0 Comments

Shillong: U montri rangbah, u Conrad Sangma ynnin ka 11 tarik heipor wa yachem wa u Lat ka jylla u Tathagata Roy da yaklam ki yeiwa man katni ha Khasi Hills Autonomous District Council (KHADC).

“I khih kseiñ neh i hadooh katni. Hapoh chiphaw sngi chibet da boon paaid da kawi ka liang chibet da kawi wei ini nga sñiaw O wa ym man i iwa bha iwa daw wanrah iwa boon yataan bru iwa ym man i rukom kreh wa chait wa khiah hapoh ka Council wei emkaam wow leh ya i wow wanrah yei pynsñiawthooh yow em itæ yatylli hapoh ka Council,” da ong u Conrad.

Advertisement ad1

U montri rangbah da ong u wa deiwa pyrkhat ya ini waroh da kyrpaad ya u Lat wow pynkrehkaam u yaka Administrator’s Rule hapoh KHADC.

Da ong u wa ini i kynthiar chibet cheiwi chibet cheiwi ym em wanrah ko yei dur wa miat yaka KHADC.

Da ong u leh wa ka Administrator’s Rule toh u neh hadooh wa wiar ini i kulmar hadooh wa che wa kawon ka liang kawa ye u chna sorkar kawa ye u lai chakhmat.

Haka 6 tarik uni u bnai, u Congress MDC na Mairang, u Batskhem Ryntathiang da dam u wow kyrchaan yaka United Democratic Front (UDF) wei da kyrchaan u yaka United Democratic Alliance (UDA).

Haka 21 tarik u bnai wa dep, hadien ka UDF waka UDA da yoh ki jooh i jooh ki Vote haka No-Confidence Motion, u Chairman, u PN Syiem da Vote u yaka UDF iwa da wanrah yei haap ka Executive Committee ka UDA wa yahkhmat daka UDP-NPP.

Haka 22 tarik u bnai wa dep, ka sorkar da tyrwa ko cha u Lat wow pynkrehkaam yaka Administrator’s Rule tangwa da kyntait da u Lat haka sngi wa bood.

Ini wa katni da man ko ka sien wa ar waka sorkar da tyrwa biang ko wow pynkrehkaam yaka Administrator’s Rule hapoh KHADC.

Previous
Next

0 Comments

Leave a Reply