Wanrah ka Congress daka No Confidence Motion yow pynhaap sorkar haka dorbar kyrpang

Shillong: Hapyrdi i yang wa angnood ki paidbah ka jylla kiwa kwah wow tip yei rai ka dorbar wa kyrpang ka yung dorbar, syndet syndet ka Congress da wanrah ko yaka No Confidence Motion næ ka phang wym chaniah chooh ya ka sorkar Meghalaya Democratic Alliance (MDA) wa yahkhmat da u montri rangbah u Conrad K Sangma tangwa ya kani ka phang da kyntait u Lamphang u Metbah Lyngdoh.

Hawa kyntait ya kani ka phang, u Lamphang da pynyoo nia u wa kani ka dorbar kyrpang da khut du neibynta wow yaklam wow chim yaka rai hajrong ka Bengal Eastern Frontier Regulation 1873 næ ka Inner Line Permit.

Ya kani No Confidence Motion da soi da ki MLA ka Congress wa kynthup ya u George B Lyngdoh, u Himalaya M Shangpliang wa u Zenith M Sangma.

Chwa ini, uwa yahkhmat ka liang pyrchah, u Dr. Mukul Sangma da dawa u wa toh wow e laad ya kani ka mat wow yoh ya phyllu ki dkhot ka yung dorbar ya ki eh wa i sñiawkhia ki paidbah wei da dawa u leh wow pynjrong yaka dorbar cha ka ar sngi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u symbood montri rangbah u Prestone Tynsong uwa pait ya ka Parliamentary Affairs, da ong u wa kani ka dorbar da pynbait du chi sngi wow chim rai ya ka ILP. U Prestone da ong wa neidaw wa waroh 60 ngut da mynjur wa kwah ya ka ILP kamwa dawa ki paidbah, ym toh wow chaad cha kiwi won ki phang.

Kamjooh u MLA ka BJP u Sanbor Shullai da ong u wa emkaam dooh katni toh wow pdiang wei mynjur noh ya ka rai ya ka ILP, kawa man ka phang wa da angnood wow dawa da ki paidbah ka jylla wei wow pyllait lut ya ka Citizenship Amendment Act (CAA) 2019 na ka jylla waroh kawi.