Jowai: Ha chnong Jowai kamwa jooh leh man ka snem hadien wa kut ka yaseiñ wa kyrpang neibynta ka Christmas, ki para wa ngait niam na ki Balang Khristan waphær waphær da mih ki wow lehkmen yaka sngi kha u Jisu Khris dei lai chaad Christmas Carol deilang wa ki sur wa rah yaka khubor wa bha wow pynbna ya kani ka sngi wa kyrpang ki Khristan.
Ki Balang wa da yoh wow sakhi ynne ka sngi toh ka Balang Jowai Presbyterian, Thadlaboh, Mynthong, Khimusniang, Balang Katholik Jowai Parish wa CNI.
Ka lai Carol da pynchongchit da ki tanghæng wa kit da ki kari kiwa tem ya ki sur Christmas wei da rwai lang ki paidbah kiwa em da ki hajar ngut wa lai lang kiwa chaad lehkmen, em kiwa riam kam u Santa Claus, ki angel wa kiwi kiwi.
Ka lai Carol da wan chimbynta chynrang wa kynthai, waheh wa khynnah wei man ko leh kam ka sngi wa yoh u yachem ya ki lok ki jor wa ym jooh yoh laad u yachem kamjooh leh ki khynnah puræ wa ki wakreh cha jngai na yung kiwa boon, da yohlaad ki wow liwan yung wow emlang wa kiwa ha yung ha sem yong ki.
Discussion about this post