Jowai: Ka Seiñ Raij Raliang kamwa jooh pynman lyngkhooh snem ya ka lehkmen “Ïachemlang” ha uni u snem leh da pynman ko ya ka ha ka 23 wa 24 tarik Kmaichonglad (December) 2019 heiwa da pyndep u waheh chnong u S. Sanki Lamare ya ka knia ka khriam ya ka Blai Chrah ha Madan Seiñ Raij Chrah-Umphula Raliang, deiwa ya emlang ki khon Niamtre ki para chnong para thaw waroh.
Ha ka sngi 23 tarik da pynman leh ya ki yakob Quiz, Debate, Extempore Speech wa kiwi heiwa da pyllai ya ka da ka Seiñ Khynroo Khyllood Seiń Raij Raliang. Katwa ha ka 24 tarik da wai pynemburom ya i yung Kñia Ronchyndi ha Umpasait wa da e sñiawbha yei yurim yung da ki chi payu ka Janioh Dkhar wa u Philan Dkhar Raliang.
Chooh chooh da pynphooh pynpheiñ ya kani ka sngi da ki chaad tynre na kylleiñ ki chnong ki thaw, kamjooh wa ka chaad pyllah ya ka “Laho Betkba Khon Samen Kynthai” heiwa da chimbynta lang da ki le tylli ki dong ka Dong Wahchnong, ka Dong Iawmulong, wa ka Dong Lumlangdong.
Ha kani ka lehkmen kawa jooh pynman lyngkhooh snem man ko ka yachemlang yong ki Khon Niamtre chisien chi snem hei wow lehkmen leh sñiawbha dei ka-it kasar heiwa waroh ki khon niamtre da yachemlang ki khrui hadien wa da wan chuti na i puræ puthi wa na i khih i khan.
Discussion about this post