U President warim ka Congress u Rahul Gandhi da pynkhreh u wow yahkhmat ya i pyrchah yaka Citizenship Amendment Act (CAA) ha Guwahati ha kani ka 28 tarik.
Ka Assam Party Unit da yaleh ko wow pynman ya ini iwa jop hapoh ka jylla Assam hadien wa joor bha i yakhih pyrchah hapoh ka jylla yaka CAA ha kini ki sngi wa da dep.
Ha iwi tawon i liang, u Rahul Gandhi da beiñ u ya u Prime Minister Narendra Modi yeiwa ong u wa ym em chna ya ki Detention Centre ha Matia, Assam, deiwa ong, “U Prime Minister ka RSS (Rashtriya Swayamsevak Sangh) da thok u yaka ri”.
I pynsñiaw yei pyrchah yaka National Population Register (NPR), ka Congress da pynbaad ko waka sorkar pyrdi u leh ko ya ka National Register of Citizens (NRC) kawa da wan hei dur ka NPR wei da paan pynche naka sorkar hajrong ini.
Uwa e ktien ka Congress u Ajay Maken da ong u wa lada ka sorkar ym pynemkaam ko yaka Form NPR kawa da pynemkaam heipor ka UPA, ka Congress u pyrchah ko ya ini. Ka Form wa da wanrah daka sorkar u Modi da tyngkheiñ ko yei hok wow yada yei manbru samen deiwa paan ya u Aadhaar Number, Mobile Number, Voter Card wa Driving Licence, da ong u.
Ka Congress da ong ko wa ka NPR man ko wow sdang yahluti yow pynkrehkaam yaka NRC.
Discussion about this post