Shillong: Ki liang yalehke Cricket ka Meghalaya da sang ki yaki yalehke Cricket wa khaddooh yong ki ha uni u snem 2019, heiwa haka U-19 Cooch Behar Trophy waka U-23 Col CK Nayudu Trophy da sdang yaki ynne katwa ka liang wa yalehke Ranji Trophy da sdang ki yaka yalehke ynnin ka sngi.
Ha Mangaldai, Assam, ka Chandigarh da jop ko yaka kylla khlem wei da jied ko wow Bat nyngkong haka yalehke Ranji Trophy wei da kamai ko 455/9 chwa wow rai ki u dam noh. Ka Meghalaya hadooh wa kut ka yalehke da pynkut ko da 15/1.
Ka Meghalaya da chah pynkrehchitom ki daka bol wei kiwa lehbha kiwa kawang bol toh u Aditya Singhania (2/103), u Sanjay Yadav (2/127). Kiwi de kiwa yoh u pynhaap Wicket toh u Chengkam Sangma (1/28), Dipu Sangma (1/34), Abhay Negi (1/63) wa u Akash Kumar (1/71).
Ha Patna, ka Meghalaya da jop ko yaka kylla khlem wei da phah Bat nyngkong ko yaka Bihar kawa da kamai 284/5 haka Col CK Nayudu Trophy ynne ka sngi. U Lokesh Turaha (2/63) da leh bha u daka bol, u Elchiang Ch Momin (1/52), Roshan Warbah (1/56) wa u Anish Charak (1/77) da toh kiwi kiwa da yoh Wicket.
Ha Cooch Behar Trophy won, ka Meghalaya da yachem ko waka Goa ha Tezpur, ka Goa da jop ko yaka kylla khlem wei da phah yaka Meghalaya wow Bat nyngkong wei da chah pynhaap lut ki Wicket da 154 Run. U Bibek da kamai boon dooh u yaka Meghalaya da 47 Run. Ka Goa hawa jubab ko da kamai ko 126/5 hadooh wa kut chwa ka yalehke ynne ka sngi, heiwa u Aryan Borah da yoh u 3/29 yaka Meghalaya. U Abhishek Kumar wa u Sudhir Sahani da yoh ki i jooh i jooh 1/20.
Discussion about this post