15 49.0138 8.38624 1 0 4000 1 https://wyrta.com 300 0
Advertisement ad1

Chah pyndooh Internet ha ki 21 tylli ki District ha Uttar Pradesh

0 Comments
Advertisement ad1
Advertisement ad1

Ka Internet ha ki 21 District ka Uttar Pradesh da chah pyndooh yaka hadooh pyrdi synyaw ynne ka 27 tarik kam chibynta wow yada neimih iwon iwon i awri awra na i yakhih pyrchah yaka Citizenship Amendment Act. Nyngkong ki 9 District da booh yaki wow chah pyndooh Internet tangwa da pynku cha 21 District yow lait na iwon iwon i awri awra.

Ki District kiwa da chah pyndooh Internet toh ha Lucknow, Hapur, Ghaziabad, Bulandshahr, Meerut, Kanpur, Ferozabad, Bareilly, Saharanpur, Bijnor, Rampur, Amroha, Bahraich, Muzaffarnagar, Sambhal, Shamli, Varanasi, Azamgarh, Moradabad, Agra wa Aligarh.

Ha nongbah Lucknow, ki Mobile Internet, SMS waroh da chah pyndooh lait noh ka BSNL.

Ka yakhih da joor ko haka 19 wa 21 tarik uni u bnai hadooh wa khlaad 21 ngut kiwa mih wow pyrchah. Hanlada ki metyap em ki ki dak chah siat kuli, ki pulit won da kyntait ki ya ini deiwa ong wa pynemkaam ki du da ki kuli jri wa kiwa chna da ki Plastic.

Ki pulit da pynyoo ki ya ki dur wa ki Video wa pynyoo ya ki arngut ki bru wa siat yaki pulit haka yakhih pyrchah yaka CAA. U Deputy Chief Minister u Dinesh Sharma da kam u wa ki pulit leh da mynsoo ki na ini yakhih ha ki 21 District heiwa 288 ngut ki pulit da mynsoo ki wei 62 ngut na ki da mynsoo ki na i chah siat.

Ki pulit da Register ki 327 tylli ki Case wei da kem ya 5,558 ngut yow lait u mih chooh kiwon kiwon ki awri.

Ka Congress General Secretary ka Priyanka Gandhi Vadra da lai ko cha Bijnor yow yachem wa kiwa hayung hasem ki arngut kiwa da dooh yei mynsien hadien wa pynman aiñ yaka Citizenship Amendment Act. Hadooh ka National Human Rights Commission leh da phah Notice ko cha ka ki heh pulit ka Uttar Pradesh.

Ka Citizenship Amendment Act haka sien wa nyngkong da pynman ko yaka niam kam ka kyndon yow yoh u man tre ri. Ka sorkar da ong ko wa ini daw yarap ko ya ki khian paaid kiwa ym toh ki Muslim na ki le ri Muslim kiwa da yut ri cha India neidaw wa chah thombor ki ha i pyrtuid ka niam, kiwa pyrchah da ong ki wa ini toh i leh chilliang yaki Muslim wei da tyngkheiñ ko yaka yurim wym pait chilliang ya kawon kawon ka niam hapoh ka ri.

Advertisement ad1

0 Comments

Leave a Reply