Jowai: Ka Association for Democracy and Empowerment, Tura lyngba ka kyrwoh khubor wa phah da u President ka seiñ u Dalseng Bira Ch. Momin da pynsñiaw ko wa i thung ya u M.S. Rao, IAS, kam u Chief Secretary ka sorkar Meghalaya da pynkhyrngiat ko yaka seiñ. Da ong wa i thung wa i pynku kyrdan yaki sahep naki ki por cha ki por man ko rukom leh yow pynmiat pynbha yaka kor synchaar khadar ka sorkar ym toh wow pynthut ya ini waroh deiwa pynku kyrdan da uwi u sahep heithaw uwi iwa man wa pyrchah yaka rukom wa da jooh leh.
Ka ADE da ong ko wa pyrchah joor ko ya ini chah kyntait da u yong i u bru uwa toh hok wow yoh wei da kyrpaad ya u Chief Minister wow chimkhia ya ini kamjooh ki ujor na kiwa boon ki seiñ hapoh ka jylla.
Ka ADE da pynkynmoo ko leh ya i bynta u Rao heiyatoh waka Village Administration Bill ka Khasi Hills Autonomous District Council (KHADC) deiwa ong wa i yieñ yong oo pynyoo yei man u pyrchah ya ki jaitbru ri-loom wei manda toh i por wow yada yei hok wa i angnood ki bru da leh jngai noh u.
Kamtæ ka ADE da kyrpaad ko ya u Chief Minister ka Meghalaya neibynta i bha i miat ki paidbah ka jylla wei wow pynyoh yei hok u Hector Marwein, IAS kam u CS katkam i kyrdan.
Discussion about this post