15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynkup burom ka Seiñ Raij Chnong Tuberkmai Chnong ya kiwa leh bha ha ki Exam

0 Comments

Jowa: Ka Seiñ Raij Chnong Tuberkmai Chnong ha ka 29 tarik uni u bnai da pynkup burom ko ya ki khon khynroo khyllood ka Seiñ Raij Chnong kiwa da leh bha ha ki Exam waphær waphær.

Kiwa da chah pynkup burom ha kani ka sngi toh ka Dr. Ebunmiky Lyngdoh haka kyrdan MBBS, ka Hampang Sana wa ka Pynhunlangki B Phawa kiwa da yoh 80% chaneiñ. 

Ha kani hi ka sngi da pynkup burom ya kawi ka manyung kawa liwan kylla cha ka Niamtre wei kani ka manyung toh yong ka Chackmon Dkhar. 

Ha ka jooh ka sngi da pynman leh ya ka yakob kylli yutip namo ka Quiz Competition heiwa da jop da ka Kiewlang Phawa wa u Ioodame Sana bood won sa ka Mantresah Lyngdoh wa u Wompher Lyngdoh kiwa yoh yei naam wa ar, katwa yei naam wa le won da yoh da ka Biggest Dkhar wa u Boimi Sana.

Ya kani ka yalang ha kani ka sngi da pynlai da u Chairman u Ksohlang Phawa wei da yoh ya ki kyntien pynche chaphang ka seiñ na u Secretary, u Tellme True Phawa, i sneiñ kyntu na u Ribun Sana (Adviser), u Jolby Sana General Secretary Sein Raij Tuber wa i klam wa tbian na u Waheh Chnong. 

Ya ka yalang da pynkut da ki kyntein e khublei na ka Tiewmihpli Lyngdoh (Treasurer).

Ha kani ka sngi da yoh leh i tem duitara wei rwai na ki khynroo ka Seiñ Raij Chnong. 

Neiliang ka Seiñ da e khublei ko ya ki Secretary, Chairman dong waphær waphær kamjooh ki paidbah wa da wan sakhi ya kani ka sngi. 

Previous
Next

0 Comments

Leave a Reply