17 ngut wa chah Charge Sheet hajrong i pynemkaam bakla ya ki kynthai khynnah ha WJH

Jowai: U Superintendent of Police ka West Jaiñtia Hills, u Lakador Syiem ynne da ong u wa hajrong i kaam wa yatoh wa khayi wa i pynemkaam bakla (slaitbor) ya ki kynthai wa ki khynnah ha uni u snem wa dadep neiliang ki pulit da Charge Sheet ki ya hadooh 17 ngut ki bru.

Kam wow pynkynmoo heini, ki pulit ka District da pynmih pyrthai ki yeini i kaam ha u Naiynru yong u snem wa dadep wei hadooh u Naichiphaw da Charge Sheet ki pyrchah ya kini ki bru.

U Lakador da pyntip u wa ha ini i kaam da yoh wow pynlait wei wow yarap ya 24 ngut kiwa kynthup ya ki 5 ngut ki khynnah kynthai (kiwa hapoh 18 snem).

Chooh chooh da ong u wa kini ki 17 ngut da lait jamin lut ki wei i bichaar khaddooh ya ki dang neh i ha ka yung kasari.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Heiyatoh wa i man i long kiwa da ye u yarap wow pynlait na kani ka kaam, u Lakador da pyntip u wa waroh da yoh yarap (Counselling) ki lyngba ki chnat sorkar waphær waphær.

Also Read: Yoh pynlait ki pulit ka WJH ya 9 ngut ki khynnah kynthai wa hapoh 18 snem i rta