Shillong: Ka Meghalaya Football Association da pyntip ko wa u sdang i pynkhreh yaka Santosh Trophy deiwa phah ya kiwa yalehke wow wan ki haka 6 tarik uni u bnai ha Third Ground, Polo, Shillong neibynta wow pynkrheh yaka Final Round ka yakob kawa daw pynman ha ki tayaw wow wan.
Waroh kiwa yalehke toh u poi ki heipor 9:00 waje i step deiwa rah lang ya ki tiar yalehke yong ki.
Ka Meghalaya da psiah ko chaka Final Round hadien wa yoh nyngkong ko haka Group yong ka haka Zonal Round wa pynman ha Agartala ha u Naikhynde hadien wa jop ki yaka Nagaland (6-1) wa Manipur (1-0).
Kiwa yalehke ka Meghalaya: Padam Chettri, Mebankhraw Wahlang, Batskhem Tariang, Atlanson Kharmaw, Dawanchwa Challam, Sheen Sohktung, Figo Syndai, Raikutshisha Buam, Donlad Diengdoh, Samuel Lyngdoh Kynshi, Nicksen Nongrang, Phrangki Buam, Kenstar Kharshong, Ronaldkydon Lyngdoh Nonglait, Shano Tariang, Belton Lartang, Aenam Jyrwa, Justly Sungoh.
Also Read: Psiah ka Meghalaya cha ka Final Round ka Santosh Trophy
Discussion about this post